Atik sa a ap eksplike itilizatè ki jan pou yo evite erè pandan yo ap telechaje aplikasyon sou Play Store, epi bay solisyon pou pwoblèm komen tankou espas depo, erè rezo, elatriye.
Entwodiksyon:
Telechaje aplikasyon sou Google Play Store se youn nan aktivite prensipal itilizatè Android yo. Sepandan, pafwa gen pwoblèm tankou erè telechajman oswa enstalasyon ki konn parèt. Nan atik sa a, nap bay ou etap fasil pou rezoud pwoblèm sa yo.
1. Verifye espas Stokaj
Youn nan pi gwo rezon ki fè aplikasyon yo pa telechaje se paske espas stokaj telefòn lan fin plen. Pou rezoud sa, ou ka retire aplikasyon ou pa itilize oswa transfere dosye enpòtan nan yon depo eksteryè (SD kat) oubyen itilize sèvis (cloud).
2. Asire koneksyon rezo a stab
Telechajman an ka echwe si w ap itilize yon rezo Wi-Fi oswa 4G ki pa stab. Ou ka eseye rdemare rezo w, aktive mòd avyon yon ti moman, epi rekonekte nan yon lòt rezo.
3. Mete ajou Play Store la ak sèvis Google yo
Aplike tout mete ajou ke ou jwenn nan Google Play Store oswa Sèvis Google. Sa a ka rezoud erè ki asosye ak lojisyèl demode.
4. Netwaye Cache ak Done Play Store a
Pafwa, done cache Google Play Store a ka lakoz aplikasyon yo pa telechaje byen. Ou ka ale nan ‘Settings > Applications > Google Play Store’ epi chwazi “Clear Cache” ak “Clear Data.”
5: Redemare telefòn ou
Si tout etap sa yo pa mache, eseye rdemare telefòn ou. Sa ka rezoud anpil pwoblèm telechajman sou Android.
